news

/ படிக்க வந்த சனங்களுக்கும் , படிச்சி நொந்த சனங்களுக்கும் , அடிக்க வரும் விரும்பாண்டிகளுக்கும் வணக்கமுங்கோ !!! !!! / / / / , , .

வெள்ளி, 20 ஆகஸ்ட், 2010

உமாசங்கருக்கு ( ஊழலை கண்டுபிடிதற்காகவும் )ஆதரவாகவும் … அரசுக்கு எதிராக கண்டனத்தையும் பதிவு செய்கிறேன் ........

உமாசங்கருக்கு ஆதரவாக… அரசுக்கு எதிராக…..

நண்பர்களே! இந்த (அரசியல் ( ஊழல் அரசியல் ) சாக்கடையில் உருண்டு திளைக்கும் பன்னிகளே இன்று மத்தியi மாநில ஆட்சியில் தொடர்ந்து அமர்வதால் இவர்கள் செய்யும் ஊழல் , சட்ட மோசடி , அத்துமீறல்கள் தொடர்கின்றன. இதை கண்டுபிடிக்க வேண்டிய அரசு அதிகாரிகள் அரசியல் வாதிகளுக்கு சலம் போட்டு என்ன சுகத்தை அனுபவிக்கலாம் என்று ஒவ்வொரு நாளும் கணக்கு போடுவதிலேயே ! அவர்கள் காலம் முடிந்து விடுகிறது . மக்களும் எதிர்த்து மனு கொடுத்து ஓய்ந்து போய்விட்டனர் . இப்பொழுது எருமை மாட்டினை போல பழகி விட்டது . அனைத்து ஊழல் , சட்ட மோசடி , அத்துமீறல்கள் தொடர்கின்றது கண்டு காணாமல் இருக்க மக்கள் பழகி போயுள்ளனர் . அத்தி பூத்தாற்போல் ஒரு அதிகாரி இருந்து விட்டால் என்னவாகும் என்பதற்கு உமா சங்கர் IAS அவர்களே ஒரு சாட்சி . கொஞ்சம் கூட வெக்கமே இல்லாமல் தினமும் அறிக்கை விட்டுகிட்டு லெட்டர் போட்டுக்கிட்டு இன்னும் எத்தனை நாளைக்கு தன் இந்த கருணையே இல்லாத நிதி நமக்கு அல்லவா கிண்டி கொடுப்பாரோ தெரியலடா சாமி !!!!. கண்டனங்கள் இவர்களுக்கு கொசு கடிச்சா மாதிரிக்கூட சொரணை இருக்கறதில்ல . அதனாலையே முதல்ல சொன்னதை நினைவு படுத்துகிறேன் அரசியல் ( ஊழல்அரசியல் ) சாக்கடையில் உருண்டு திளைக்கும் பன்னிகளே) . இவ்வளவு நாளா இந்த சாதிய ----- எங்கா போனது தெரியால . ஊழலை கண்டு பிடித்தவுடன் சாதி --- வந்து விட்டது .அதை மூடி மறைத்து இவர்களுக்கு வெண்சாமரம் வீசி இருந்தால் இவரும் ஒரு 2000 கோடிய தேத்தி இருக்கலாம் .இதைதான் பிழிக்க தெரியாதவன்னு சொல்றாங்களே !!! . இந்த பிழைப்புக்கு நாலு தெருவுல பிச்சை எடுக்கலாம் .

தருமி ஐயா தொடங்கி வால் பையன் ஊடாக இந்திய ஆட்சிப்பணி அதிகாரி உமா சங்கருக்கு எதிரான தமிழக அரசின் நடவடிக்கைகளை கண்டித்து எழுதப்படும் கண்டன இடுகைகள் அதிகரித்து வருகின்றன.

ஒரே நாளின் ஒரே பதிவில் எதிர்ப்பைத் தெரிவிப்பது எனும் யோசனை நன்றாக தெரிந்ததனால் செவ்வாய் இரவுவரை காத்திருந்தேன், தருமி ஐயாவோ, வால்பையனோ எந்த பதிவையும் பரிந்துரைத்ததாக தெரியவில்லை. இன்று காலை தருமி ஐயா இட்ட நான்கு வரி பதிவு தேவையான சீற்றத்துடன் இல்லாமல் மென்மையாக இருப்பதாக படுகிறது. அதேநேரம், அவசரமாக ஒரு பதிவை எழுதி வெளியிடுவதும் சிறப்பாக இருக்காது என தோன்றியதால் உமாசங்கர் குறித்து வினவு தளத்தில் வெளியான ஒரு கட்டுரையையே மீள்பதிவு செய்கிறேன்.

உமாசங்கரின் வியக்கத்தக்க உறுதி! கருணாநிதி அரசின் வெறுக்கத்தக்க கயமை!

நேர்மையானவர் என்ற அங்கீகாரத்தையும் நன்மதிப்பையும் பெற்றிருக்கும் ஐ.ஏ.எஸ் அதிகாரி உமா சங்கரைத் தற்காலிகப் பணிநீக்கம் செய்திருக்கிறது உத்தமர் கருணாநிதி அரசு. வருமானத்துக்கு அதிகமாகச் சொத்து சேர்த்ததாகக் கூறி அவர் மீது ஏவப்பட்ட விசாரணை சட்டவிரோதமானது என்று உயர்நீதிமன்றம் இடைக்காலத் தடை விதித்து விட்டதால் ஆத்திரம் தலைக்கேறிப் போய், தலித் கிறித்தவரான உமாசங்கர், தலித் இந்து என்று போலிச்சான்றிதழ் கொடுத்து பதவிக்கு வந்துவிட்டாரெனக்கூறி அவரைத் தற்காலிகப் பணிநீக்கம் செய்திருக்கிறார் கருணாநிதி.

1995 இல் (ஜெ ஆட்சியில்) மதுரை மாவட்டத்தின் கூடுதல் ஆட்சியராக இருந்தபோது, சுடுகாட்டுக் கூரை ஊழலை வெளிக்கொண்டு வந்தபோதுதான் உமாசங்கர் மக்கள் மத்தியில் பிரபலமானார். ஜெயலலிதா ஆட்சியின் ஊழலைச் சொல்லி, 1996 இல் ஆட்சியைப் பிடித்த கருணாநிதி, ஊழல் கண்காணிப்புத் துறையின் கூடுதல் ஆணையராக உமாசங்கரை நியமித்தார். ஜெ, அவரது அமைச்சர்கள் மற்றும் ஐ.ஏ.எஸ் அதிகாரிகளின் ஊழல்களை உமாசங்கர் வெளிக்கொணர்ந்த போதிலும், செல்வாக்குள்ள ஐ.ஏ.எஸ் அதிகாரிகள் மீது நடவடிக்கை எடுக்க மறுத்தது கருணாநிதி அரசு. வெறுப்புற்ற உமாசங்கர், தன்னை இப்பதவியிலிருந்து விடுவிக்குமாறு கோரியவுடனே, அவர் திருவாரூர் மாவட்ட ஆட்சியராக நியமிக்கப்பட்டார்.

மே 2006 இல் எல்காட் என்ற அரசு நிறுவனத்தின் நிர்வாக இயக்குநராக நியமிக்கப்பட்டதும், அதுவரை மைக்ரோசாப்ட் மென்பொருட்களைச் சார்ந்திருந்த அரசுத்துறைகள் மற்றும் கல்வி நிறுவனங்களிலிருந்து பில்கேட்ஸை வெளியேற்றி விட்டு, 2007 ஆம் ஆண்டு முதல் ‘லினக்ஸ்’ என்ற ஓபன் சோர்ஸ் (இலவச) மென்பொருளை அறிமுகப் படுத்தினார் உமாசங்கர்.

“மைக்ரோசாப்ட் ஆத்திரம் கொண்டால் நம் நாட்டின் மென்பொருள் துறையே தேங்கிவிடும் என்று கருதுவது அபத்தமானது… மைக்ரோசாப்ட் இல்லாமல் இந்தியா வாழ முடியும். முன்னேறவும் முடியும். இந்தியா என்ற மிகப்பெரிய சந்தையை இழப்பது மைக்ரோசாப்ட் நிறுவனத்துக்குத்தான் பேரிழப்பு. மைக்ரோசாப்டிலிருந்து வெளியேறியதன் விளைவாக தமிழ்நாடு ஆண்டுக்கு 200 முதல் 500 கோடி வரை மிச்சமாக்க முடியும்” என டெக்கான் கிரானிக்கிள் பத்திரிகைக்கு அப்போது அளித்த பேட்டியில் குறிப்பிடுகிறார் உமாசங்கர். மைக்ரோசாப்டின் உயர் அதிகாரி ஒருவர் தமது மென்பொருள் தொகுப்பை 7000 ரூபாய்க்குத் தருவதாக பேரம் பேசினாரென்றும், ஓபன் சோர்ஸில் செலவே இல்லாமல் தரவிறக்கம் செய்து கொள்ளக்கூடிய மென்பொருளுக்கு நாங்கள் எதற்காக 7000 ரூபாய் செலவழிக்கவேண்டும் என்று கூறி அவரைத் திருப்பி அனுப்பியதாகவும் அப்பேட்டியில் கூறுகிறார் உமாசங்கர்.

எல்காட்டின் பொறுப்புக்கு உமாசங்கர் வருவதற்கு சில ஆண்டுகள் முன்னர், தியாகராச -செட்டியார் என்பவருக்குச் சொந்தமான ‘நியூ எரா டெக்னாலஜீஸ்’ என்ற தனியார் நிறுவனத்துடன் இணைந்து எல்காட் நிறுவனம், ‘எல்நெட்’ என்றொரு கூட்டுப்பங்கு நிறுவனத்தை உருவாக்கியிருந்தது. 24% பங்குகள் தியாகராச செட்டியாரிடமும், 26% பங்குகள் எல்காட்டிடமும், மீதமுள்ள 50% பங்குகள் பொதுமக்களிடமும் இருந்த இந்நிறுவனம், 2004 ஆம் ஆண்டில், ‘இ.டி.எல் இன்ஃப்ராஸ்ட்ரக்சர் லிமிடெட்’ என்ற கட்டுமான நிறுவனத்தைத் தனது துணை நிறுவனமாக உருவாக்கியிருந்தது. சென்னையில் 18 இலட்சம் சதுர அடி பரப்பளவில், ரூ.700 கோடி மதிப்பில் தகவல் தொழில்நுட்பப் பூங்கா (கட்டிடம்) ஒன்றை இந்நிறுவனம் உருவாக்கியிருந்தது. தமிழக அரசின் 26% பங்குகளையும் பொதுமக்களின் 50% பங்குகளையும் கொண்டு உருவாக்கப்பட்ட இந்த நிறுவனமும், அதன் 700 கோடி சொத்தும், 24% பங்குளை மட்டுமே வைத்திருந்த தியாகராச செட்டியாருக்கு மர்மமான முறையில் கைமாறியிருப்பதை உமாசங்கர் கண்டுபிடித்தார். “2008, ஜூலை 8 ஆம் தேதியன்று தரமணியில் உள்ள எல்நெட் நிறுவனத்தில் இவை தொடர்பான ஆவணங்களை நானே நேரடியாகத் தேடிக்கொண்டிருந்த போது, என்னுடைய பதவி பறிக்கப்பட்ட தகவல் வந்து சேர்ந்தது” என்று தனது மனுவில் குறிப்பிட்டிருக்கிறார் உமாசங்கர்.

அடுத்து, சன் டிவி – கருணாநிதி மோதலின் தொடர்ச்சியாக, அரசு கேபிள் டிவி கார்ப்பரேசனின் நிர்வாக இயக்குநர் பதவியில் அக்டோபர் 2008 இல் நியமிக்கப்பட்டார் உமாசங்கர். அரசு கேபிள் டிவி ஆப்பரேட்டர்களை மிரட்டியதுடன், ரவுடிகளை வைத்து வயர்களையும் அறுத்தெறிந்தனர் மாறன் சகோதரர்கள். இவர்களுக்குத் துணை நின்றவர் அமைச்சர் பொங்கலூர் பழனிச்சாமி. இது குறித்து பல புகார்கள் கொடுத்தும் போலீசு நடவடிக்கை எடுக்காததால், இவர்களைத் தேசியப் பாதுகாப்பு சட்டத்தில் சிறை வைக்கவேண்டும் என்றும், சுமங்கலி கேபிள் விஷன் நிறுவனத்தை நாட்டுடைமை ஆக்கவேண்டும் என்றும் உமாசங்கர் அரசுக்கு சிபாரிசு செய்திருக்கிறார். உடனே அவர் மீது ஒழுங்கு நடவடிக்கை ஏவப்படுகிறது. அந்த ஒழுங்கு நடவடிக்கை சட்டவிரோதமானது என்று மத்திய நிர்வாகத் தீர்ப்பாயம் இடைக்காலத்தடை விதித்ததனால், 2009, சனவரி 23 ஆம் தேதியன்று சிறுசேமிப்புத்துறைக்குத் தூக்கியடிக்கப்பட்டார் உமாசங்கர். இவற்றின் தொடர்ச்சியாக இப்போது வந்திருப்பதுதான் ஊழல் வழக்கும் தற்காலிகப் பணிநீக்கமும்.

உயர்நீதிமன்றத்தில் தாக்கல் செய்துள்ள மனுவில், தமிழக அரசின் ஊழல் தடுப்பு மற்றும் கண்காணிப்பு இயக்ககத்தின் விதிமுறைகள்
குற்றவியல் நடைமுறைச் சட்டத்துக்கும் ஊழல் தடுப்புச் சட்டத்துக்கும் விரோதமாக, திட்டமிட்டே வடிவமைக்கப்பட்டிருப்பதை அம்பலமாக்கியிருக்கிறார் உமாசங்கர்.

“ஐ.ஏ.எஸ் அதிகாரிகள், அரசுத்துறை நிறுவனங்களின் உயர் அதிகாரிகள் போன்றோர் மீது ஊழல் குற்றத்துக்காக யாரேனும் வழக்கு தொடரவேண்டுமானால், அதற்கு அரசின் முன் அனுமதி தேவை” என்று கூறும் இவ்விதிமுறை, சட்டத்தின் முன் அனைவரும் சமம் என்பதையே கேள்விக்குள்ளாக்குவதோடு, ஊழல் அதிகாரிகளுக்குப் பாதுகாப்புக் கவசமாகவும் பயன்படுகிறது என்கிறார் உமாசங்கர். அனுமதி அளிக்கும் அதிகாரம் முதல்வர் உள்ளிட்ட மூன்று பேர் அடங்கிய குழுவிடம் இருப்பதால், நேர்மையான அதிகாரிகளை மிரட்டுவதற்கும், ஊழல் அதிகாரிகளைத் தப்பவைப்பதற்கும் இது பயன்படுத்தப் படுகிறது என்பதையும் ஆதாரங்களுடன் திரைகிழித்திருக்கிறார் உமாசங்கர்.

ஊழல் தடுப்பு மற்றும் கண்காணிப்புத் துறையின் கூடுதல் இயக்குநராக 1996 முதல் தான் பணியாற்றிய காலத்தில், கல் குவாரி ஊழல் (1000 கோடி ரூபாய்), சவுத் இந்தியா ஷிப்பிங் கார்ப்பரேசன் தனியார்மயமாக்கல் ஊழல் (200 கோடி ரூபாய்), தமிழ்நாடு வீட்டு வசதி வாரிய ஊழல் (சென்னையின் மையப்பகுதியில் அமைந்த 300 வீடுகள்) போன்ற பல ஊழல் வழக்குகளில் அதிகாரிகள் மீது வழக்கே தொடர முடியாததற்குக் காரணம் முதல்வர் தலைமையிலான குழுவின் அனுமதி கிடைக்காததுதான். அதுமட்டுமல்ல, பல்வேறு ஊழல் வழக்குகளில் குற்றம் சாட்டப்பட்டு, மேற்படி முதல்வர் குழுவின் அனுமதி கிடைக்காததால் தண்டனையிலிருந்து தப்பிவரும் ஐ.ஏ.எஸ் அதிகாரி மாலதி என்பவர்தான் தற்போது ஊழல் தடுப்புத் துறையின் இயக்குநராக நியமிக்கப்பட்டிருக்கிறார்” என்ற கேலிக்கூத்தையும் போட்டுடைத்திருக்கிறார் உமாசங்கர்.

அவருடைய அனுபவத்தைப் படிக்கும்போதே ரத்தம் கொதிக்கிறது. ஒடுக்கப்பட்ட சமூகத்தில் பிறந்திருந்த போதிலும் எல்லா அதிகார பீடங்களையும் துச்சமாகக் கருதி எதிர்த்து நின்ற அவரது துணிவும், எத்தனை முறை பந்தாடப்பட்டும் தளராத அவரது மன உறுதியும் வியக்கத்தக்கவை. அதிகார வர்க்கத்தில் இப்படி ஒரு மனிதரைக் காண்பது அரிதினும் அரிது. அச்சமும் பேடிமையும் அடிமைச் சிறுமதியும் அனைத்துத் துறைகளிலும் கோலோச்சும் இந்தக் காலத்தில், அதிகாரவர்க்கக் கோட்டையையும் ஆட்டமுடியும் என்று காட்டியிருக்கிறார் உமாசங்கர். அவ்வகையில் அவரது அனுபவம் ஒரு நேர்மறை எடுத்துக்காட்டு. ஐ.ஏ.எஸ், ஐ.பி.எஸ் ஆகி மக்களுக்குத் தொண்டாற்றப் போவதாகக் கூறுவோரின் மடமையையும், ஆளும் வர்க்கத்துக்கு மட்டுமே சேவை செய்வதற்காக உருவாக்கப்பட்டிருக்கும் அதிகாரவர்க்கத்தை, மக்கள் தொண்டாற்றும்படி மாற்றியமைத்துவிட முடியும் என்று கூறுவோரின் கயமையையும் புரிந்து கொள்வதற்கு, உமாசங்கரின் அனுபவம் ஒரு எதிர்மறை எடுத்துக்காட்டு.

வெள்ளி, 13 ஆகஸ்ட், 2010

நான் கண்ட கனவு கனவாகி போகுமோ!


நான் கண்ட கனவு கனவாகி போகுமோ ! இந்திய வல்லரசாக வேண்டாம் முதலில் நல்லரசாக வேண்டும் . முதலில் நம் நாட்டு மக்களின் நலன் கவனிக்கப்பட வேண்டும் , அந்நியன் இங்கு வந்து கொழுத்து போக மட்டுமே அல்லது இந்திய பண முதலைகளையும் பற்றி கவலை படும் அரசு பாமரானின் வாயிற்று பசியை போக்கி சுயகாலில் நிற்க கற்றுகொடுக்க வேண்டும் அதற்கு படிப்பறிவை இலவசமாக வழங்க வேண்டும் .ஐயா அரசியல் தலைவகளே ! நீங்கள் இலவசங்களை முதலில் நிறுத்துக்கள் உழை க்காமல் வாங்கும் எந்த பொருளும் அவனை கூனி குறுக செய்யும் , ஒரு பிடி சோறாக இருந்தாலும் , தான் சம்பாதித்தது என்றால் அவனுக்கு துணிவு வரும் , தன்மானம் வளரும் , அதற்கு முதலில் அனைத்து சலுகைகளையும் இலவசங்களையும் நிறுத்தி, முழுக்க பள்ளிக் கல்வியை இலவசமாக தாருங்கள் .மேல் படிப்பிற்கு மான்னியம் தாருங்கள் அப்பொழுது அவனுக்கு நாட்டின் மீது பற்று வளரும் தனக்கு கல்வியை வழங்கிய நாட்டி டின் மீது பிடிப்பு வரும் நாட்டிற்காக உழைக்க தோன்றும். அப்பொழுது நாடு தானாக வல்லரசாக மாறும் . இன்று நடப்பது இதற்கு நேர் எதிர் கல்வியை பணம் கொழிக்கும் வியாபாரமாக மாற்றியது யார் ? இதற்கு அனுமதி வழங்கியது யார் ? பணம் உள்ளவன் மட்டுமே ! படிக்கிறான் பாவப்பட்டவன் மேலும் கிழ் நிலைக்கு தள்ளப்பட்டிருக்கிறான் .இதே நிலை நீடித்தால் எத்தனை திட்டங்கள் தீட்டினாலும் ஏழ்மையை போக்க முடியாது, தீவிரவாதத்தை ஒழிக்க முடியாது, இந்தியா என்றும் வல்லரசாக முடியாது . அப்படி நீங்கள் நாங்கள் வல்லரசு என்று சொல்வீர்கள் என்றால் . தலை கீழாக நின்றாலும் தீவிரவாதத்தை ஒழிக்க முடியாது .! தீவிரவாதத்தின் தீர்க்கமான காரணம் முதல் காரணம் ஏழ்மையே ! யோசிக்குமா ? இந்திய மேல்தட்டு மக்கள் அரசியல்வாதிகள், அரசை வழி நடத்தும் படித்த அறிவு ஜீவிகள் . இந்திய வல்லரசாக போகிறது. ஆனால் ஒரு கடைகோடி குடிமகனுக்கு குடிபதற்கு மகளை விற்கும் நிலைமையை என்ன சொல்வது....நாம் எங்கே செல்கின்றோம் உயர்ந்தவன் மட்டுமே மேலும் மேலும் உயர்கின்றான். ஆனால் அடிமட்டத்தில் இருப்பான். அப்படியே இருக்க என்ன காரணம்? நமது பொருளாதார கொள்கைய இல்லை நமது அரசியல் வாதிகளின் வோட்டு வங்கியை கணக்குபோட்டு அடித்தட்டு மக்களுக்கு முறையான கல்வியும் பொருளாதார முன்னேற்றமும் கிடைக்காமல் இருக்க முட்டுக்கட்டை போடுகிறார் களா................??? - பாலா உண்மையான இந்திய குடிமகன் .

திங்கள், 9 ஆகஸ்ட், 2010

காவிரியை வைகையுடன் இணைக்க அனுமதிக்க மாட்டோம்: அன்புமணி

பதிவு செய்த நாள் : ஆகஸ்ட் 08,2010,23:52 IST
மனசுக்கு மிகவும் அழுத்தத்தையும் , வருத்தத்தையும் தர கூடிய செய்தி
என்னதாம்பா உங்க அரசியல் , என்ன சொல்ல வரீங்க ! உங்களை நாடு கடத்தீனா என்ன என்று தோன்றுகிறது . உங்களையும் கொஞ்சம் மக்கள் பின்தொடருகிறார்களே ! பாவம் அவர்களை நினைத்து வருத்த படுவதை தவிர என்ன செய்வது உங்களை குண்டர் சட்டத்துல உள்ள போடா முடியாத? எப்படி நடிக்கிறீங்க இந்த லட்சணத்துல நீங்க நடிகர்களை எதிர்கிறீங்க . நீங்க ஒரு காமெடி பீஸ் , இருந்தாலும் உங்களுகென்று ஒரு கட்சி , டி. வி .சேனல் , சின்னம் எல்லாம் இருக்கே அது தான் சங்கடமா இருக்கு . தமிழ்நாட்டின் நதிநீர் இணைப்புக்கே இந்த கதி என்றால் நீங்க எல்லாம் எதுக்கு காவேரி பிரச்சனை பற்றி பேருறீங்க ? . அப்புறம் எப்படி தென் இந்திய நதிகளை இணைப்பீங்க , இந்திய நதிகளா இணைப்பீங்க , போங்கடா நீங்களும் உங்க அரசியலும் ,இப்ப எல்லாம் மக்களுக்கு எது நல்லதோ அதை எதிர்கறது தான் அரசியல் என்றாகி விட்டது .
அவன் வேற மாநிலம் பரவா இல்ல, நீங்க உங்க வீடுவரை எதாவது மாநிலமா மாத்திட்டீங்களா !! . தமிழ் வாழ்க , எப்படி வாழும் இங்க இருக்கும் தமிழனுக்கே இந்த கதி . இவனுங்க தான் தமிழன காப்பாத்து ராங்கலாம் !!! அய்யோ , அய்யோ !!


சேலம் :""தமிழக அரசு காவிரியை வைகை ஆற்றுடன் இணைக்கத் திட்டமிட்டிருப்பதை நாங்கள் அனுமதிக்க மாட்டோம்,'' என, முன்னாள் மத்திய அமைச்சர் அன்புமணி ராமதாஸ் பேசினார்.

சேலம், நாமக்கல் மாவட்ட பா.ம.க., பொதுக்குழுக் கூட்டத்தில் முன்னாள் மத்திய அமைச்சர் அன்புமணி ராமதாஸ் பேசியதாவது:லோக்சபா தேர்தலில் பா.ம.க., தோற்கடிக்கப்பட்டதால் ஏற்பட்ட வெறி, தமிழகத்தில் பா.ம.க., ஆட்சிக்கு வரும் வரை அடங்காது.பா.ம.க.,வை யாராலும் அழிக்கவும் முடியாது; அடக்கவும் முடியாது. சினிமா, வசனம் ஆகியவற்றை நம்பியே தமிழக அரசியல் உள்ளது. தமிழகத்தில், "டாஸ்மாக்' மூலம் ஆண்டுக்கு 13 ஆயிரம் கோடி ரூபாய்க்கு வருமானமாக பொதுமக்களிடம் இருந்து பெறப்பட்டு இலவசங்கள் வழங்கப்படுகின்றன.


இங்கு யாரும் இலவசமும் பிச்சையும் கேட்கவில்லை. கேட்பது எல்லாம் இலவச கல்வியும், வேலைவாய்ப்பும் தான். தமிழகத்தில் 33 சதவீத வன்னியர்கள் உள்ள நிலையில் 20 சதவீத தனி இட ஒதுக்கீடு கேட்கிறோம். இதுவும் நாங்கள் பிச்சை கேட்கவில்லை. எங்களின் உரிமையை கேட்கிறோம். அந்த உரிமையை தரவில்லை என்றால், தமிழகத்தில் போராட்டம் வெடிக்கும். அது எந்த வகையான போராட்டம் என்பதை பா.ம.க., நிறுவனர் ராமதாஸ் அறிவிப்பார்.


தமிழக அரசு காவிரியை, வைகை ஆற்றுடன் இணைக்க திட்டமிட்டுள்ளது. அதை பா.ம.க., அனுமதிக்காது. காவிரியில் இருந்து வெளியேறும் தண்ணீரை வடமாவட்ட மக்களுக்கே பயன் படுத்த வேண்டும். அதற்காக திட்டமிட வேண்டும்.திட்டம் தெரிய வில்லை என்றால் நான் திட்டமிட்டு தருகிறேன். ஆட்சியை எங்களிடம் ஆறு மாதம் மட்டும் தந்து பாருங்கள் பார்க்கலாம். "சேலத்தில் சூப்பர் ஸ்பெஷாலிட்டி மருத்துவமனை, 108 ஆம்புலன்ஸ் சேவை, ரயில்வே கோட்டம் ஆகியவற்றை நாங்கள் கொண்டு வந்தோம்' என்கின்றனர்.இவை யார் கொண்டு வந்தது என்பது மக்களுக்கு தெரியும். நான் விளம்பரம் தேடிக் கொள்ள இதை சொல்லவில்லை. எதுவாக இருந்தாலும் மக்களுக்கு நல்லதை செய்யுங்கள்.இவ்வாறு அன்புமணி பேசினார்.கூட்டத்தில் பா.ம.க., தலைவர் மணி மற்றும் எம்.எல்.ஏ.,க்கள் கலந்து கொண்டனர்.