news

/ படிக்க வந்த சனங்களுக்கும் , படிச்சி நொந்த சனங்களுக்கும் , அடிக்க வரும் விரும்பாண்டிகளுக்கும் வணக்கமுங்கோ !!! !!! / / / / , , .

வெள்ளி, 21 அக்டோபர், 2011

மீண்டும் துடைத்தெறிந்த மக்கள் அப்படி ஒரு கோவமா தெரியல சாமி


மீண்டும் அ தி.மு.க அமோக வெற்றி :

சென்னை: தமிழகத்தில், ஒரு லட்சத்து 12 ஆயிரத்து 759 உள்ளாட்சி பதவிகளுக்கான தேர்தல், கடந்த 17, 19ம் தேதிகளில் இரண்டு கட்டமாக, பெரிய அளவில் வன்முறை ஏதுமின்றி நடந்து முடிந்துள்ளது. இந்த தேர்தலுக்கான ஓட்டு எண்ணிக்கை, மாநிலம் முழுவதும் 822 மையங்களில் பலத்த போலீஸ் பாதுகாப்புடன் இன்று காலை துவங்கியது. தற்போதைய நிலவரப்படி சென்னை, திருச்சி, கோவை, மது‌‌‌ரை, சேலம், திருப்பூர், தூத்துக்குடி, ஈரோடு, திருப்பூர், வேலூர் என 10 மாநகராட்சிகளையும் அ.தி.மு.க., மேயர்பதவியை பிடிக்கிறது.
கடலூர் , கிருஷ்ணகிரி, கரூர், கீழக்கரை, பத்மநாபபுரம், விருதுநகர், சாத்தூர், திருவள்ளூர், உடுமலை, , பெரியகுளம், ஸ்ரீவில்லிபுத்தூர், ஓசூர், தாம்பரம், மேட்டூர், உள்ளிட்ட 84 நகராட்சிகளில் அ.தி.மு.க வெற்றி பெற்றது. ஆவடி, வேதாரண்யம், அரக்கோணம் நகராட்சிகளில் உட்பட 23 நகராட்சிகளில் தி,மு.க., வெற்றி பெற்றுள்ளது. நாகர்கோவில் உட்பட 2 நகராட்சிகளில் பா.ஜ., வெற்றி பெற்றுள்ளது .ம.தி.மு.க., ஒரு நகராட்சியிலும், சுயேட்சை 5 நகராட்சிகளிலும், சுயேட்சைகள் 5 நகராட்சிகளிலும் வெற்றி கிடைத்துள்ளது. நகராட்சி பேரூராட்சி மற்றும் மாநகராட்சிக்குட்பட்ட வார்டுகளில் பெரும்பாலான இடங்களை அ.தி.மு.க,. கைப்பற்றி வருகிறது.

சென்னை தபால் ஓட்டு தே.மு.தி.கவுக்கு- 0 : சென்னை: சென்னை மாநகராட்சியில் முதலில் எண்ணப்பட்ட மொத்தம் 96 தபால் ஓட்டுக்களில் தி.மு.க.,வுக்கு 52, அ.தி.மு.க.,வுக்கு 35, காங்- 1 , பா.மக.,1 ம.தி.முக., 1, செல்லாதவை 6 தே.மு.தி.க.,வுக்கு ஒரு ஓட்டு கூட இல்லை.

சைதை துரைசாமிக்கு குவிந்த ஓட்டுக்கள்: சென்னை மாநகராட்சி தேர்தலில் அ.தி.மு.க. மேயர் வேட்பாளர் சைதை துரைசாமி 12,40,340 ஓட்டுகள் பெற்றுள்ளார். தி.மு.க. வேட்பாளர் மா. சுப்பிரமணியன் 7,20,593 ஓட்டுகள் பெற்றுள்ளார். இதன்மூலம், சைதை துரைசாமி 5,19,747 ஓட்டுகள் வித்தியாசத்தில் வெற்றி பெற்றுள்ளார்.

தே.மு.தி.க., ஒரு நகராட்சியையாவது பிடிக்குமா? நடந்து முடிந்த தேர்தலில் மேயர் ஒரு நகராட்சி தலைவர் என எந்த ஒரு பதவியையும் பிடிக்க முடியாத நிலைக்கு தே.மு.தி.க., தள்ளப்பட்டுள்ளது. தமிழகத்தில் நகரசபை தலைவர் கூடலூர் ( தேனி மாவட்டம்) மட்டும் கைப்பற்றியுள்ளது. தே.மு.தி.க., தனித்து நின்று தனது செல்வாக்கை நிரூபிக்க முடியாத நிலைதான் தற்போது. ‌இதனால் தே.மு..தி.க., தொண்டர்கள் விரக்தி அடைந்துள்ளனர். ம.தி.மு.க.,வுக்கு குளித்தலை (கரூர் மாவட்டம்) கிடைத்துள்ளது.


மதுரையில் அ.தி.மு.க., வெற்றி:துரை மாநகராடசியை 15 ஆண்டுகளுக்கு பின்னர் கைப்பற்றியது. அ.தி.மு.க., சார்பில் போட்டியிட்ட ராஜன் செல்லப்பா 3,12,226 ஓட்டுகளும், தி.மு.க., வேட்பாளர் பாக்கியநாதன் 1,38,239 ஓட்டுகுளும் பெற்றனர். இதன்மூலம் அ.தி.மு.க வேட்பாளர் ராஜன் செல்லப்பா 1,73,987 ஓட்டுகள் வித்தியாசத்தில் வெற்றி பெற்றார். .


திருப்பூர் மாநகராட்சி அ.தி.மு.க., வெற்றி: அ.தி.மு.க., வேட்பாளர் விசாலாட்சி, ஒரு லட்சத்து, 36 ஆறாயிரத்து 949ஓட்டுக்கள் பெற்றது தி.மு.க., வேட்பாளரை 77,669 ஓட்டுக்கள் வித்தியாசத்தில் வெற்றி பெற்றார்.


தூத்துக்குடி மாநகராட்சி - சசிகலா வெற்றி : அ.தி.மு.க., வேட்பாளர் சசிகலா புஷ்பா ,ஓட்டு எண்ணிக்கையின் இறுதிச்சுற்றில் 65 ஆயிரத்து 50 ஓட்டுக்களும், தி.மு.க.,வேட்பாளர் பொன் இனியா 41 ஆயிரத்து 794 ஓட்டுக்களும், 3 வது இடத்தை பிடித்த ம.தி.மு.க., வேட்பாளர் பாத்திமா பாபு 29 ஆயிரத்து 336 ஓட்டுக்களும், தே.மு.தி.க.,வை சேர்ந்த ராஜேஸ்வரி 7 ஆயிரத்து 407 ஓட்டுக்கள் பெற்று 4 வது இடத்தையும் பெற்றனர். அ.தி.மு.க., வைசேர்ந்த சசிகலா 23 ஆயிரத்து 25 ஓட்டுக்கள் வித்தியாசத்தில் வெற்றி பெற்றார்.

கோவை மாநகராட்சியில் அபாரம்: கோவை மாநகராட்சியை அ.தி.மு.க., கைப்பற்றியது. அ.தி.மு.க., சார்பில் போட்டியிட்ட செ.ம.வேலுச்சாமி, 2,81,728 ஓட்டுக்கள் பெற்று வெற்றி பெற்றார். தி.மு.க., சார்பில் போட்டியிட்ட கார்த்திக் 1,53816 ஓட்டுக்கள் மட்டுமே பெற்றார். இதனையடுத்து வேலுச்சாமி, 1,27,912 ஓட்டுக்கள் வித்தியாசத்தில் வெற்றி பெற்றார்.

வேலூர் மாநகராட்சி அ.தி.மு.க., வெற்றி : அ.தி.மு.க., வேட்பாளர் கார்த்திகாயினி 98 ஆயிரத்து 888 ஓட்டுக்கள் வித்தியாசத்தில் வெற்றி பெற்றார் . இவர் ஒரு லட்சத்து, 81 ஆயிரத்து 27 ஓட்டுக்களும், தி.மு.க., வேட்பாளர் ராஜேஸ்வரி, 82 ஆயிரத்து 119 ஒட்டுக்களும் பெற்றனர்.மொத்தமுள்ள 60 வார்டுகளில் முடிவுகள் அறிவிக்கப்பட்ட 52 வார்டுகளில் அ.தி.மு.க., 23 வார்டுகளிலும், தி.மு.க., 15 வார்டுகளிலும் வெற்றி பெற்றுள்ளது.

திருச்சி நிலவரம் : திருச்சியில் மேயர் அ.தி.மு.க., வேட்பாளர் ஜெயா 52,415 வாக்குகள் வித்தியாசத்தி்ல் வெற்றி பெற்றார். இவர்பெற்ற மொத்த வாக்குளின் எண்ணிக்கைஒரு லட்சத்து 61 ஆயிரத்து, 458. தி.மு.க.,சார்பில் போட்டியிட்ட விஜயா ஜெயராஜ் ஒருலட்சத்து ,09ஆயிரத்து ,043 வாக்குகள் பெற்று இரண்டாம் இடத்தை பிடித்துள்ளார்.


சேலத்தை கைப்பற்றியது அ.தி.மு.க.,: சேலம் மாநகராட்சியில் அ.தி.மு.க., சார்பில் போட்டியிட்ட சவுண்டப்பன்1,92,866 ஓட்டுக்கள் பெற்று வெற்றி பெற்றார். இவருக்கு அடுத்த படியாக தி.மு.க.,வின் கலையமுதன் 97,793ஒட்டுக்கள் பெற்று 95,073ஓட்டுக்கள் வி்த்தியாசத்தில் தோல்வியடைந்தார்.

திருநெல்வேலி மாநகராட்சி : அ.தி.மு.க., வேட்பாளர் விஜிலா 80265 ஓட்டுக்களும் தி.மு.க., வேட்பாளர் சுப. அமுதா 55681, ஓட்டுக்களும் பெற்றுள்ளனர். வித்தியாசம் 24584. விஜிலா வெற்றி பெற்றதாக அதிகாரப்பூர்வமாக அறிவிக்கப்பட்டது.

ஈரோடு மாநகராட்சியில் அ.தி.மு.க., வெற்றி: ஈரோடு மாநகராட்சி தேர்தலில் மேயர் பதவிக்கு போட்டியிட்ட அ.தி.மு.க..,வின் மல்லிகா 105558 ஓட்டுக்கள் பெற்று வெற்றி பெற்றார்.

திண்டுக்கல் மாவட்டத்தில் 100 சதம் வாங்கிய அ.தி.மு.க., : இம்மாவட்டத்தில் நகராட்சி மற்றும் பேரூராட்சி மன்ற தலைவர் பதவிகளை அதிமுக வேட்பாளர்கள் கைப்பற்றி உள்ளனர். கொடைக்கானல் நகராட்சி மன்ற ‌தேர்தலில் அதிமுக வேட்பாளர் வி.எஸ்.கோவிந்தன் வெற்றி பெற்றுள்ளார். இதே போன்று நிலக்கோட்டை பேரூராட்சி மன்ற தலைவர் தேர்தலில் அதிமுக வேட்பாளர் சேகரும், அம்மையநாயக்கனூர் பேரூராட்சி மன்ற தலைவர் தேர்தலில் அதிமுக வேட்பாளர் தண்டபாணியும், நத்தம் பேரூராட்சி மன்ற தலைவர் தேர்தலில் அதிமுக வேட்பாளர் விஜயலட்சுமியும், பண்ணைக்காடு பேரூராட்சி மன்ற தலைவர் தேர்தலில் அதிமுக வேட்பாளர் சண்முகசுந்தரமும் வெற்றி பெற்றுள்ளனர்.

25 ஆண்டுகளாக காங்கிரஸ் தக்க வைத்திருந்தது: ராஜபாளையம் நகராட்சி தலைவர் வேட்பாளராக அ.தி.மு.க. வின் தனலெட்சுமி வெற்றி பெற்றார்.இவரை எதிர்த்து போட்டியிட்டகாங்கிரஸ் கட்சியின் சுப்புராம் தோல்வியுற்றார். தனலெட்சுமி, 34,769ஓட்டுக்கள் பெற்று 21741 ஓட்டுக்கள் வித்தியாசத்தில் வெற்றிபெற்றார். இந்நகராட்சியை கடந்த 25 ஆண்டுகளாக காங்கிரஸ் தக்க வைத்திருந்தது. இப்போது அ.தி.மு.க. பிடித்துள்ளது குறிப்பிடத்தக்கது.


அதிகபட்சமாக சேலத்தில் 59, வேலூரில் 48, திண்டுக்கல் 41, விழுப்புரம், திருநெல்வேலி 40, சென்னையில் 18 ஓட்டு எண்ணிக்கை மையங்கள் அமைக்கப்பட்டுள்ளன. முதல்கட்ட தேர்தலில், ஒரு கோடியே 68 லட்சத்து 518 பேரும், இரண்டாம் கட்ட தேர்தலில் ஒரு கோடியே 91 லட்சத்து 86 ஆயிரத்து 975 பேரும் ஓட்டளித்து உள்ளனர். தேர்தலில் பலமுனைபோட்டி நிலவியதால் வெற்றி யாருக்கு என்பதை கணிக்க முடியவில்லை. ஓட்டு எண்ணிக்கை மையங்களில்பிரச்னை ஏற்படக்கூடும் என்பதால், கூடுதல் பாதுகாப்பு ஏற்பாடுகளை மாநில தேர்தல் கமிஷன் செய்துள்ளது.

தேர்தல் முடிவுகளை வெளிப்படையாக வெளியிடுவதற்கு மேலும் பல அதிரடி உத்தரவுகளையும் மாநில தேர்தல் கமிஷன் பிறப்பித்துள்ளது. இதனிடையே, ஓட்டுப்பதிவு அமைதியாக நடந்தது போன்று ஓட்டு எண்ணிக்கையும் அமைதியாக நடக்குமா என்ற சந்தேகம் தி.மு.க., - தே.மு.தி.க., - பா.ம.க., உள்ளிட்ட பல்வேறு அரசியல் கட்சிகளுக்கு எழுந்துள்ளது.


சென்னை லயோலா கல்லூரியில் அமைக்கப்பட்ட ஓட்டுச்சாவடியை பார்வையிட வந்த மாநில தேர்தல் கமிஷனர் அய்யரிடம் நிருபர்கள் இது குறித்து கேட்டபோது, "மாநிலம் முழுவதும் ஓட்டு எண்ணிக்கை விவரங்கள் வீடியோ பதிவும், வெப்-கேமரா மூலம் கண்காணிப்பும் செய்யப்படவுள்ளன. பத்திரிகையாளர்களுக்கு தகவல் அளிக்கும் மையமும் அமைக்கப்பட்டுள்ளது. ஓட்டு எண்ணிக்கை நேர்மையாகவும், சுதந்திரமாகவும், நியாயமாகவும் வெளிப்படையாகவும் மேற்கொள்வதற்கு அனைத்து ஏற்பாடுகளும் செய்யப்பட்டுள்ளன. என்றார்.

வியாழன், 13 அக்டோபர், 2011

கொசுக்கள் கூடி மாநாடு நடத்தி தீர்மானங்கள் நிறைவேற்றின !!
















எந்திரன்
படம் புகழ் ரோபோட் கொசு தலைமையில் கொசுக்கள் கூடி மாநாடு நடத்தி தீர்மானங்கள் நிறைவேற்றின !!
சென்னை கூவம் ஆற்றில் பிரமாண்ட மேடை அமைத்து ( சென்னை வாசிகளின் உதவியால் ) நல்ல திகட்ட திகட்ட பல விதமான ரத்தம் குடித்து மயக்கத்திலேயே தீர்மானங்கள் நிறைவேற்றினர் .

தீர்மானங்கள் :
1. எங்கள் வாழ்விடங்கள் ஆனா கூவம் , சாக்கடை , சாலையோர குப்பை , குட்டைகள் , கழிவிடங்கள் அனைத்தும் தற்போது உள்ளது போலவே எப்போதும் இருக்க வேண்டும் . கூவத்தை சுத்தபடுத்துறோம் , அழகு படுத்துரோமுன்னு எங்களை வாழ்விடங்களை காலி செய்ய சொல்ல கூடாது . மீறினால் சென்னை முற்றுகை இட்டு போராட்டம் நடத்துவோம் .
2. முதல் காரியமா எங்கள் உயிரை குடிக்கும் all out , martin , goodnight இன்னும் பல தொழிச்சாலைகளை மூடி , அவர்கள் விற்பனையை தடை செய்ய வேண்டும் .
3. எங்களுக்கு ஆயுள் காப்பீடு அளிக்க வேண்டும் . எங்கள் ஆயுளை அதிகரிக்க எங்கள் தலைவர்கள் தலைமையில் ஆராச்சி குழு அமைக்க வேண்டும் .
4. எங்களின் சில இடங்கள் சுத்தம் என்ற பெயரில் அழித்து மனித இனங்கள் ஆட்டைய போடுறாங்க அதை தடுக்க வேண்டும் .

5. எங்களுக்கு எதிரான கழிவு நீர் அகற்று வாரியத்தை உடனடியாக கலைக்க வேண்டும் .
6.எங்களுக்கு எதிரான அனைத்து நடவடிக்கைகளை உடனடியாக நிறுத்தவேண்டும்
7. பிறக்க இடம் , குடிக்க( மனித இரத்தம்) , நோய் பரப்ப நல்ல போக்குவரத்து வசதி ( எங்கும் கூவம் , கிளை கூவம்) ஊர் முழுக்க அமைத்தது, தவிக்கும் எங்கள் கொசு இனத்தை காப்பற்ற வழி செய்ய வேண்டும் .
8. எங்கள் இனத்திற்கு தனியாக அனைத்து ( துறைகளிலும் ) இடங்களிலும் இட ஒதுக்கீடு தரவேண்டும்

9. எங்கள் இனம் காக்க நலவாரியம் அமைக்க வேண்டும் .
10. மனிதர்களுக்கு அளிக்கும் நோய் எதிர்ப்பு மாதிரிகளை தடை செய்ய வேண்டும் .
முக்கிய குறிப்பு : தேர்தலுக்குள் எங்கள் கோரிக்கையை நிறைவேறாவிட்டால்
தற்கொலை படைகளை உருவாக்கி மனிதர்களை கூட்டம் கூடமாக கொல்லுவோம் . எங்களுக்கு நேசக்கரம் நீட்ட பல வல்லரசுகள் காத்திருகின்றன ,
என்று மிகவும் கண்டிப்புடன் செய்தியாளர்களிடம் ரோபோட் கொசு

செவ்வாய், 11 அக்டோபர், 2011

உள்ளாட்சி மன்ற தேர்தல் அழிசாட்டியம்


ள்ளாட்சி மன்ற தேர்தல் ஐயோ நினச்சாலே பயமா இருக்குங்க . காரணம் ரொம்ப சிம்பிள் தான் ஒட்டு போட்டாலும் தப்பு போடலையனாலும் தப்பு , என்ன பண்ணலாமுன்னு யோசிச்சா மண்ட காய்துங்க சாமீ . என்ன ஒரே குழப்பமா இருக்க ?     எனக்கு அப்படி தான் இருக்கு காரணம் , மாமா , மச்சான் , தம்பி , அண்ணே , ஐயா , அம்மா , நண்பா, தலைவரே , நம்ம தம்பி , அட நம்ம கட்சி தாம்பா அவரு ( கொய்யால யாரு சொன்னது அவனுங்க கட்சின்னு) , நம்ம ஆளு தாம்பா இப்படி நம்மள பார்த்து கூப்பாடு போட்ட  அரசியல் வியாதிகள் மட்டு மில்லாம அரசியல தொழிலா பாவிக்கும் கொஞ்சம் பேர் , ஆதங்கத்துல கொஞ்சம் பேர் , போட்டு தான் பார்ப்போம் வந்த மலை இல்ல ...........( ப்பில் இந்த பிளாங்க்ஸ் )   அப்படின்னு கொஞ்ச பேரு , ஒரு விளம்பரம் அப்படின்னு கொஞ்ச பேரு அப்படின்னு தமிழ்நாடு  முழுக்க 5 லட்சத்துக்கும் அதிகமா வேட்பாளர் நிக்குறாங்க சாமி .

வங்க அவங்க பட்டுக்கும் நின்னுகிட்டு போகட்டும் இவனுக்கு ஏன் ஜெலிசில் ( வைதெரிச்சல் ) அப்படின்னு பாக்கிறீங்களா ? .  அவங்க நின்ன என்னகென்ன உக்காந்த என்னகென்ன வெண்ணைகளா ? யாரு வந்தாலும் முதல்ல அடிப்படை சுகாதாரத்தை பாருங்க. அது ஒரு புறம் இருக்கட்டும் . தினமும்   வீட்டுக்கு ஒருத்தர் பின்னாடி ஒருத்தர் அப்படின்னு வருசையா ? வந்து குடுக்கற அளப்பர இருக்கே சாமீ தாங்கல. தூங்க  விட மாட்டேங்கறாங்க , வெளியில போக விட  மாட்டேங்கறாங்க . ஒரு அசட்டு சிரிப்பு சிரிக்க வேண்டி இருக்கு கண்டிப்பா உங்களுக்கே போட்டுறோம் தேய்ந்து போன ரெக்காடு மாதிரி புலம்பிக்கிட்டு  இருக்கோம் . இது நம்ம கஷ்டம் .  

 

டுத்து யாரு யாரு தேர்தல்ல நிக்குறாங்க அப்படின்னு தெரிஞ்சிக்கிறது இருக்கே,  அது அதை விட கொடுமை .  என்ன ஒவ்வொரு கட்சியிலையும் ரெண்டு ரெண்டு வேட்பாளர் இது தமிழ்நாடு முழுக்க அனேக இடங்கள்ல இப்படித்தான் இருக்கு . காரணம் தலைமைக்கு யாரும் கண்ரோல் ஆகல அப்படின்னு சொல்றாங்க . அத விட தலைமைக்கு அவங்க சின்னதுல நிக்குற நகராட்சி , ஒன்றிய கவுன்சிலர் , மாவட்ட கவுன்சிலர் , மேயர் அப்படின்னு தான் கவலை படுறாங்க . அடிமட்ட தொண்டனை பற்றியோ அல்லது அடிநிலை பதவிகள் ஆனா வார்டு   மெம்பர் , ஊராட்சி தலைவர் பதவி இப்படி கட்சி சின்ன ஒத்துக்காத வேட்பாளர பற்றி யாரும் ( அரசியல் தலைங்க கவலை படல ) . அதிலையும் சின்னம் ஒத்துக்கறாங்க பாருங்க பெண் வேட்பாளருக்கு கட்டில் சின்னமாம் ........... என்ன ஒரு மாதிரி இருக்குல்ல ...
படிச்சவங்களே சின்னத்த பார்த்து குழம்பி போகும் போது கிராம பஞ்சாயத்துல  4 ஓட்டு போடணுமாம் எப்படி இருக்கும் பாருங்க ....... 

ன்னொரு பிரச்சனை என்ன வென்றால் இதுல நாம தினமும் பார்க்கும் முகம் தான் அதிகமா வார்டு , கவுன்சிலர் பதவிக்கு நிக்குறாங்க . மக்கள் இங்கேயும் பாவம் யாருக்கு  ஒட்டு போடறது அப்படின்னு குழப்பம் ஒரு சிலரை தவிர அனைவரையும் பற்றியும் தெரியாது தெரிஞ்சாலும் சொல்ல முடியாது . நண்பன், தெரிஞ்சவன் , சொந்தம் , பண பலம் , ரொம்ப நல்லவன் அப்படின்னு யாரை நாம தேர்ந்தெடுத்தாலும் ஜெயச்சதுக்கு பிறகு பண்ற அழிசாட்டியம்  தாங்கல . இதுவரைக்கும் நமக்கு  தலை தரையில தொடுற அளவுக்கு கும்பிடு போடும் இவ்வங்க அப்புறம் என்னமோ வானத்துல இருந்து நேரே குதிச்ச ரேஞ்சிக்கு ஒரு பில்டப்பு , எதுகெடுத்தாலும்  லஞ்சம் அரசு நல திட்டங்கள் வாங்கி தரனுன்னா கூட ஈவு இரக்கமே இல்லாம வயசானவங்க , ஏழைங்க கிட்ட லஞ்சம் கேக்கறது மிகவும் கண்டிக்க வேண்டிய விஷயம் . பணக்காரனுக்கு அனுரசித்து போகறதும் சாதாரணமா நடக்குது . புதுசா வர போற நம்ம கெளன்சிலர்களை  வார்டு மெம்பர்களையும் வரவேற்று  காத்திருப்போம் . அடுத்த சுரண்டலுக்கு .

( அட மேயர் , தலைவரை  ஒன்னும் சொல்லலையா ! அட அவங்கல சொல்ல என்ன இருக்கு ஜெயச்ச பிறகு   எப்படியும் அவங்கல நம்மால பார்க்க முடியாது . அதுவும் இல்லாம அவங்க எல்லாம் கோடி கோடி ( கேடிங்கோ ) கோ ! )
எல்லாம் சரி படிச்சிட்டு போயிட்டே இருக்கிங்க தவறாம ஒட்டு போட்டுட்டு போங்கையா சாமிங்களா !. என்ன பிச்ச எடுக்குறேன்னு பாக்குறீங்களா? பிரபல பதிவரா  வளர்த்து விடுங்க என்ன ,அப்புறம் பாருங்க நான் பண்ற  அழிசாட்டியம் உங்களுக்கே விளங்கும் ........
(அதெல்லாம் எனக்கு தெரியாதுங்க தெரிஞ்சிருதால் பிரபலம் எப்பவோ ஆகி இருப்பேனுங்கோ !)