மறு பிறவி எடுத்த சமச்சீர் கல்வி

ஒரு வழியாக சமச்சீர் பல பாடுபட்டு மிதிபட்டு வெற்றிகரமாக வென்றிருகின்றது.

மாற்று கருத்தில்லாமல் அரசியல் காரணத்தால் தான் இவ்வளவு இழுபறி நடைபெற்றது என்பதை யாராலும் மறுக்க முடியாது

ஜெயலலிதாவின் பிடிவாதம் அரசுக்கு நிறைய கெட்ட பெயரை வாங்கி கொடுத்தது . அதை மேலும் கெடுத்து கொள்ளாமல் ஜெயலலித்தா சமச்சீர் கல்வியை இந்த ஆண்டே அமல் படுத்துவதாக அறிவித்துள்ளது கொஞ்சம் நிம்மதியை கொடுக்கின்றது .

இனியும் இதை போன்ற இக்கட்டான விசயங்களில் நிதானமாக யோசித்து நல்ல நடுநிலையாளர்களின் ஆலோசனை பெற்று தலை இடவேண்டும் . எவ்வளவு இழப்பு . எவ்வளவு நேர, பணம் விரையம் .

கலைஞ்சர் இதை தனக்கு கிடைத்த வெற்றியாக பாவித்து ,அவர்கள் கட்சிகாரகள்

அரசியல் பண்ணி கொண்டிருகின்றனர் . பாவம் அவர்களும் என்ன செய்வார்கள் . தினம் தினம் யார் யாரு உள்ள போவோமோ என்ற பீதியிலையே காலத்தை ஓட்டுகின்றனர் .

அரசு இதுவரை ஏற்பட்ட கால தாமதத்தை எப்படி ஈடு செய்ய போகின்றது என்று தெரியவில்லை . சிலர் சொல்வதை போல் கால நாட்களை நீட்டிப்பதால் அடுத்த கல்வி ஆண்டு வழக்கங்கள் பாதிப்படையும் . அதை விட சிலபஸ் சில குறைத்து மாணவர்களுக்கும் சுமை ஏற்றாமல் முடிந்த வரை இந்த ஆண்டு காலத்தை நல்லபடியாக முடிக்க வேண்டும் என்பதே அனைவரது விருப்பமும் .

இதை போலவே . தனியார் கல்வி கட்டண கொள்ளை தடுக்கவும் பொது நல வழக்குதான் போட வேண்டும் போல . அதை எந்த அரசும் கண்டு கொள்வதாக தெரிய வில்லை . அதேபோல் தனியார் பள்ளிகள் சில மத்திய பட திட்டத்திற்கு கட்டாய படுத்து பெற்றவர்களை ஏமாற்றி மாற்றுகின்றனர் . இதையும் கருத்தில் கொள்ள வேண்டும் . முக்கியமாக கல்வி தரத்தை மேன்படுத்தி . பள்ளிக்கூடங்களின் தரங்களை சீர் படுத்தி . ஆசிரியர்களையும் , பள்ளிக்கூடங்கள் நடக்கும் முறைகளையும் முறையாக கண்காணித்து . ஆசிரியர்கள் இல்லாத பள்ளிகளுக்கு ஆசிரியர்களை உடனே நியமிக்க வேண்டும் அதிகமாக மேன்பட்ட தரத்தில் கட்டிட வசதிகளை ஏற்ப்படுத்தி , அரசு கல்வியில் தனது கவனத்தை முறையாக செலுத்தினால் முதல்வரை மக்கள் தலையில் வைத்து கொண்டாடுவார்கள் .

தமிழ்நாட்டில் உடனடியாக சமச்சீர் கல்வியை அமல்படுத்த வேண்டும் என்று உச்சநீதிமன்றம் உத்தரவிட்டுள்ளது.

சமச்சீர் கல்வியை இந்த ஆண்டே அமல்படுத்த வேண்டும் என்று சென்னை உயர்நீதிமன்றம் பிறப்பித்த உத்தரவை எதிர்த்து, தமிழக அரசு தாக்கல் செய்த மேல்முறையீட்டு மனுவை உச்சநீதிமன்றம் தள்ளுபடி செய்தது.

நீதிபதிகள் ஜே.எம். பாஞ்சால், பி.எஸ். செளஹான் மற்றும் தீபக் வர்மா ஆகியோர் கொண்ட பெஞ்ச் செவ்வாய்க்கிழமை இதுதொடர்பான தீர்ப்பை வழங்கியது.

தமிழக அரசு இன்னும் 10 நாட்களுக்குள் சமச்சீர் கல்வியை அமல்படுத்த வேண்டும் என்று நீதிபதிகள் உத்தரவிட்டார்கள்.

25 காரணங்கள்

மூன்று நீதிபதிகளின் சார்பில், தீர்ப்பை வாசித்த நீதிபதி பி.எஸ். செளஹான், உயர்நீதிமன்ற உத்தரவு சரியானதுதான் என்பதை விளக்கி, 25 காரணங்களை தங்களது தீர்ப்பில் குறிப்பிட்டிருப்பதாகத் தெரிவித்தார்.

இதையடுத்து, மேல்முறையீட்டு மனுக்களைத் தள்ளுபடி செய்வதாக அறிவித்த நீதிமன்றம், இன்னும் 10 நாட்களுக்குள் சமச்சீர் கல்வியை அமல்படுத்த வேண்டும் என்று உத்தரவிட்டது.

"மாணவர்களின் எதிர்காலத்தை நிர்ணயிப்பது அடிப்படைக் கல்வி. இன்று அவர்களின் கல்வி கேள்விக்குறியாகியுள்ளது. அதில் தலையிடுவது தவறு"

இந்திய உச்சநீதிமன்றம்

நீதிமன்றம் குறிப்பிட்டுள்ள 25 காரணங்களில், எந்தச் சட்டத்தையும், அதன் விளைவுகளைக் கருத்தில் கொள்ளாமல், வெறும் ஆட்சி மாற்றம் காரணமாக மாற்றக் கூடாது என்றும்,

அரசியல் கட்சிகள் விருப்பு, வெறுப்புடன் செயல்படக்கூடாது என்றும் அரசுக்கு அறிவுறுத்தப்பட்டுள்ளது.

மாணவர்களின் எதிர்காலத்தை நிர்ணயிப்பது அடிப்படைக் கல்வி. இன்று அவர்களின் கல்வி கேள்விக்குறியாகியுள்ளது. அதில் தலையிடுவது தவறு என்று நீதிபதிகள் குறிப்பிட்டுள்ளனர்.

மேல்முறையீடுகள்

முந்தை திமுக அரசால் கொண்டுவரப்பட்ட சமச்சீர் கல்வித் திட்டம் தரமற்றதாக இருப்பதால், அதை இந்த ஆண்டு அமல்படுத்துவதை ஒத்திவைக்கும் வகையில், புதிதாகப் பொறுப்பேற்ற அதிமுக அரசு சட்டத் திருத்தம் கொண்டுவந்தது.

அதை எதிர்த்து தாக்கல் செய்யப்பட்ட மனுக்களின் அடிப்படையில், சமச்சீர் கல்வித் திட்டத்தை இந்த ஆண்டே அமல்படுத்த வேண்டும் என்றும், தமிழக அரசின் சட்டத் திருத்தம் செல்லாது என்றும் சென்னை உயர்நீதிமன்றம் தீர்ப்பளித்தது.

அதை எதிர்த்து, உச்சநீதிமன்றத்தில் தமிழக அரசு மேல்முறையீடு செய்தது. அரசின் நிலைப்பாட்டுக்கு ஆதரவாக, தனியார் பள்ளிகளும் முறையீடு செய்தன. அதற்கு எதிராக, மாணவர் மற்றும் பெற்றோர் சார்பில் பல்வேறு கேவியட் மனுக்கள் தாக்கல் செய்யப்பட்டிருந்தன.

அரசியல் போட்டி

சமச்சீர் கல்வித் திட்டம் அவசர கோலத்தில் கொண்டுவரப்பட்டிருப்பதால், அதில் பல குளறுபடிகள் உள்ளதாகவும், பாடங்களில் தரமில்லை என்றும், அரசியல் ஆதாயம் தேடுவதற்காகத்தான் அந்தச் சட்டமே கொண்டுவரப்பட்டதாகவும் அரசுத் தரப்பில் வாதிடப்பட்டது. இந்த அரசு சமச்சீர் கல்விக்கு எதிரானதல்ல என்றும், அதில் உள்ள தவறுகளைக் களைந்து அமல்படுத்தத் தயாராக இருப்பதாகவும் தெரிவிக்கப்பட்டது.

தமிழ்நாட்டில், சமச்சீர் கல்வித் திட்டத்தில், 9 கோடி பாடப்புத்தகங்கள் 200 கோடி ரூபாய் செலவில் அச்சிடப்பட்டு, அரசுக் கிடங்குகளில் கிடப்பதாகவும், முந்தைய அரசால் கொண்டுவரப்படது என்ற அரசியல் காரணத்துக்காகவே அரசு அந்தத் திட்டத்தை எதிர்ப்பதாகவும் மாணவர் மற்றும் பெற்றோர் தரப்பில் வாதிடப்பட்டது.

தமிழ்நாட்டில், மாநிலக் கல்வித் திட்டம், மெட்ரிகுலேஷன் உள்பட நான்கு வகையான கல்வித் திட்டங்கள் உள்ளன. அவரை அனைத்தையும் ஒரே பாடத்திட்டமாக்கி, அதன் தரத்தை உயர்த்தி, சமச்சீர் கல்வி என்ற பெயரில் புதிய திட்டம் கொண்டுவரப்பட்டதாக, முந்தைய அரசு அறிவித்திருந்தது.

ஜெயலலிதா அறிவி்ப்பு

தீர்ப்பை ஏற்கிறோம்

உச்சநீதிமன்றத் தீர்ப்பை அடுத்து, இந்தக் கல்வி ஆண்டிலேயே சமச்சீர் கல்வித் திட்டம் அமல்படுத்தப்படும் என்று தமிழக சட்டப்பேரவையில் முதலமைச்சர் ஜெயலலிதா அறிவித்துள்ளார்.

உச்சநீதிமன்றத் தீர்ப்புக்கு, இடதுசாரிக் கட்சிகள் உள்பட பல்வேறு அரசியல் கட்சிகளும் அமைப்புக்களும் வரவேற்புத் தெரிவித்துள்ளன. பல இடங்களில், உச்சநீதிமன்றத் தீர்ப்பை வரவேற்று பட்டாசு வெடித்துக் கொண்டாடி மகிழ்ந்ததாக செய்திகள் வந்துள்ளன.