"விக்கிலீக்ஸ்' வெளியிட்ட யு.எஸ். வில்லங்கங்கள்!


டவுசர் கடைசில அமெரிக்காவுக்குதான் கிழிஞ்சிருக்கு ,

ஊருக்கு நாட்டாம பண்றேன்னு இப்படி அலுமல் பண்ணி தான் நாட்டமை பதவிய தக்க வாசிக்குது . எவ்வளவு நாள்தான் எல்லாம் தாங்கும் , தான் வீட்ட பாக்காம அடுத்தவன் வீட்ட பார்த்தா இப்படிதான் ( இப்போது இருக்கும் அமெரிக்க நிலைமை )ஆகும் . இன்னும் வடிவேலு மாதிர்யே பில்டப்பிலேயே காலத்த ஒட்டுறானுங்க . நம்ம ஒருகாரனுங்களுக்கு அவன் பாக்கெட்டுக்கு அவன் வீட்டுல இருந்து எடுத்து கொடுத்தாலும் கவலை இல்லை , ஆனால் அவனுங்க (அரசியல் வாதிகளுக்கும் ,அரசாங்க அதிகாரிகளுக்கும் )பக்கெட்டு மட்டும் எப்பவும் பிதிங்கிகிட்டே இருக்கனும் . இப்படி எல்லாம் வெளியில விஷயம் லீக்காகலன்ன நினைக்கவே பயமா இருக்கு , நம்மள ( பொது மக்களை ) செவ்வாய் கிரகத்துக்கு நாடு கடதிடுவானுங்க .

அமெரிக்கா தொடர்பான பல்வேறு இராணுவ ரகசியங்களையும், ஆப்கான் மற்றும் பாகிஸ்தான் விவகாரங்களில் அந்நாடு மேற்கொண்ட முடிவுகள் தொடர்பாகவும் ஏற்கனவே பல ஆயிரம் பக்கங்கள் கொண்ட ஆவணங்களை வெளியிட்டு பரபரப்பை ஏற்படுத்தியிருந்தது பிரபல "விக்கிலீக்ஸ்" இணையதளம்.


இந்நிலையில் தற்போது ரஷ்யா, பிரான்ஸ், இங்கிலாந்து, சீனா, பாகிஸ்தான், இந்தியா உள்பட பல்வேறு நாடுகளில் உள்ள அமெரிக்க தூதரக அதிகாரிகள் உளவாளிகளாக செயல்பட்டு தங்கள்நாட்டு தலைமைக்கு திரட்டி அனுப்பிய ரகசிய தகவல்களையும் அம்பலப்படுத்தி அமெரிக்காவை வெலவெலக்க வைத்துள்ளது.

பிரான்ஸ் தொடங்கி ரஷ்யா வரை பல்வேறு நாட்டு தலைவர்களை ஏளனமாக பட்ட பெயர் சூட்டி அழைத்தது, பாகிஸ்தானின் அணு ஆயுத மூல‌ப்பொரு‌ட்களை கை‌ப்ப‌ற்ற மே‌ற்கொ‌ண்ட முய‌ற்‌சி படுதோல்வியில் முடிவடைந்தது என "விக்கிலீக்ஸ்" வெளியிட்டுள்ள வில்லங்கள் ஏராளமாக அணிவகுக்கின்றன.

சுமா‌ர் 150 உலக நாடுக‌ளி‌‌ல் செய‌ல்ப‌ட்டு வரு‌ம் அமெ‌ரி‌க்க தூதர‌க‌ங்க‌ள் நா‌‌ள்தோறு‌ம் வா‌‌ஷி‌ங்ட‌னி‌ல் உ‌ள்ள தலைமை அலுவலக‌த்‌தி‌ற்கு அ‌ளி‌த்து வரு‌ம் தகவ‌ல்களை கை‌ப்ப‌ற்‌றியே, ‌"வி‌க்‌கி‌லீ‌‌க்‌ஸ்" அவற்றை தமது இணையதள‌த்‌தி‌ல் வெ‌ளி‌யி‌ட்டு‌ள்ளது.

2009 ஆம் ஆண்டு மே மாதம் அமெரிக்க தூதர் அன்னி பேட்டர்சன், இஸ்லாமாபாத்தை அணுகி, அமெரிக்க அணு ஆயுத நிபுணர்கள் பாகிஸ்தானுக்கு வருவதாக கூறியுள்ளார்.

ஆனால் அவர்கள் வருவது பாகிஸ்தானிய ஊடகங்களுக்குத் தெரிந்தால், பாகிஸ்தானின்

ஆயுதங்களை அமெரிக்கா தனது கையில் எடுத்துக்கொள்வதாக செய்தி பரவி விடும் என்று கூறி அதனை ஏற்க மறுத்து தடுத்து விட்டதாம் பாகிஸ்தான்.

உண்மையில்,பாகிஸ்தான் அணு உலையில், செறிவூட்டப்பட்ட யுரேனியத்தை ஏற்றுவதைத் தடுக்கவே அந்த நிபுணர் குழு வருவதாக இருந்தது. ஆனால் பாகிஸ்தானின் கடுமையான எதிர்ப்பு காரணமாக அமெரிக்காவின் முயற்சிகள் தோல்வி அடைந்து விட்டதாக அதில் குறிப்பிட்டுள்ளது "விக்கிலீக்ஸ்"

அதேபோல ஈரானின் அணு ஆயுத திட்டத்தால் பெரும் கவலை அடைந்த சவூதி அரேபிய அரசு, ஈரான் மீது அமெரிக்கா போர் தொடுக்க வேண்டும் என்று தொடர்ந்து வலியுறுத்தியதாம். இதுதொடர்பாக சவூதி மன்னர் அமெரிக்காவுக்கு தொடர்ந்து கோரிக்கை விடுத்து வந்தாராம்.

அதேசமயம், அல் காய்தா அமைப்புக்கு தேவையான அனைத்து நிதிகளையும் சவூதி அரேபியாதான் தொடர்ந்து கொடுத்து வருவதாகவும் அமெரிக்காவுக்குத் தெரிய வந்துள்ளது. இதனால் சவூதி அரேபிய மன்னரின் கோரிக்கைகளை ஏற்காமல் அமெரிக்கா தட்டிக்கழித்ததாம்.

மேலும் பாகிஸ்தானுடன் சவூதி அரேபியா நட்பு பாராட்ட்டினாலும், உள்ளுக்குள் அதிபர் சர்தாரி மீது கடும் காழ்ப்புணர்ச்சியுடன் இருப்பதும் "விக்கிலீக்ஸ்" அம்பலப்படுத்தியுள்ள தகவலில் இடம்பெற்றுள்ளது.

சர்தாரியை அழுகிப் போனவராக சவூதி மன்னர் அமெரிக்காவிடம் வர்ணித்துள்ளாராம்." பாகிஸ்தானின் வளர்ச்சிக்கு சர்தாரிதான் பெரும் இடையூறாக இருக்கிறார். தலையே அழுகிப் போனதாக இருந்தால், உடல் முழுவதையும் அது பாதிக்கத்தான் செய்யும்" என்று வர்ணித்துள்ளார் சவூதி மன்னர்.

கருத்துகள்